ما بعد كل بدااااايه الا النهااااااااااااااايه

جتني وقالـت خـذ بقايـا هدايـاك
وهاك الرسايـل وأعتبرهـا نهايـه
وخل ذكرياتي والصـور دوم ويـاك
مابيـك تنسانـي وتنسـى هوايـه
وأستر على ماشفت منـي وماجـاك
وعسـاك تذكـر ذكرياتـك معايـه
قلت أسمعي قالت عسى الله يرعـاك
ماعـاد ينفـع ياحبيـبـي كفـايـه
صاح الضمير وقال يالزين وش جاك
ودي أعرف اليـوم شنهـو خطايـه
ودي أعرف اللي حصـل لاعدمنـاك
شاللي حصل بالضبط شنهي الحكايه
قالت (خطبني) شخص مثلك وشرواك
وأبـوي ملّكـه وحـطـم منـايـه
قالت وهي تبكي ترى الكـل يفـداااك
لكن ظـروف الوقـت زادت شقايـه
غصب علي اليوم أوادعك وأجفـاااك
مجبورة يـا قلبـي أفـض الروايـه
لاتعتقد في يوم أنـا بقـدر أنسـاااك
أنت الوحيد اللي لـه القلـب غايـه
والقلب صابه وقتهـا ألـف دكـاك
والهم أعلـن فـي حياتـي البدايـه

وان شالله تعجبكم ...

تحياتي... [center]